فيديو: استخدام روابط الأعداد لإيجاد عدد أكبر بمقدار ١٠ من عدد معطًى

يمكن استخدام حقائق الأعداد حتى عشرة لمساعدتك في إيجاد عدد أكبر بمقدار ١٠ من أي عدد عشرات. إذا علمنا أن ٣ + ١ = ٤، فإننا نعلم أيضًا أن ٣٠ + ١٠ = ٤٠. لقد وجدنا للتو الأعداد الأكبر بمقدار ١٠. استخدم حقائق الأعداد لمساعدتك في إيجاد عدد أكبر بمقدار ١٠ من ٨٠.

٠٣:١٦

‏نسخة الفيديو النصية

يمكن استخدام حقائق الأعداد حتى عشرة، لمساعدتك في إيجاد عدد أكبر بمقدار عشرة من أيّ عدد عشرات. إذا علمنا أن تلاتة زائد واحد يساوي أربعة، فإننا هنعلم أيضًا أن تلاتين زائد عشرة يساوي أربعين. لقد وجدنا للتوّ الأعداد الأكبر بمقدار عشرة. استخدم حقائق الأعداد، لمساعدتك في إيجاد عدد أكبر بمقدار عشرة من تمانين.

يعني إيه الكلام ده؟ يعني إحنا عندنا حاجة اسمها حقائق الأعداد. حقائق الأعداد دي لحدّ العشرة بس. بتساعدنا إننا لو عندنا أيّ عدد، وعاوزين نجيب عدد تاني أكبر منه بمقدار عشرة. يعني إيه؟ إذا علمنا أن تلاتة زائد واحد يساوي أربعة … هنبصّ على الرسم عشان نفهم منه. آدي التلاتة أهي، وجمعنا عليها واحد. تلاتة زائد واحد تساوي إيه؟ أربعة. طيب لو استخدمنا حقائق الأعداد حتى عشرة؟ هتبقى هي هيّاها تلاتين، بدل التلاتة بقت تلاتين، زائد عشرة بدل الواحد، هتساوي أربعين. تلاتين زائد عشرة تساوي أربعين.

إيه اللي إحنا عملناه دلوقتي ده؟ لقينا الأعداد الأكبر بمقدار عشرة. يعني لقينا إن التلاتين، لمّا نزوّد عليها عشرة، هتساوي أربعين. يبقى الأربعين هنا هو العدد الأكبر بمقدار عشرة. يبقى إحنا عندنا التلاتين دول، كل عمود بمقدار عشرة. وإحنا عندنا عمود، اتنين، تلاتة. يعني دول تلاتين. وده واحد، يبقى كله أربعين. طيب السؤال هنا بقى؟ عاوزين نستخدم حقائق الأعداد؛ علشان نوجد عدد أكبر من التمانين، بمقدار عشرة. اللي إحنا كنا عاملينه هنا، كنا جايبين عدد أكبر من التلاتين بمقدار عشرة، فأصبح الناتج أربعين. هنا هنجيب عدد أكبر من التمانين بمقدار عشرة، ونشوف الناتج هيكون إيه.

فمدّيِينا الرسمة دي علشان نعرف. الرسمة دي بتقول لنا إيه؟ تمنية زائد واحد. تمنية زائد واحد بتساوي تسعة. يبقى لمّا نستخدم حقائق الأعداد حتى عشرة، التمنية هتكون تمانين. يبقى دول كده كلهم تمانين. زائد … الواحد هيبقى عشرة. يبقى الصف ده كده عشرة. تمانين زائد عشرة يساوي كام؟

مش التمنية بقت تمانين؟ والواحد بقى عشرة؟ وتمنية زائد واحد، تسعة؟ يبقى التسعة تكون تسعين. ويبقى اللي قدامنا دول كلهم، تسع أعمدة. والعمود بعشرة، يعني كلهم تسعين. يبقى الإجابة هنا هي تسعين. لأن تمنية زائد واحد يساوي تسعة، وتمانين زائد عشرة يساوي تسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.