فيديو: تحديد المصفوفة التي تُمثِّل مجموعة بيانات مُعطاة

يمثل الجدول التالي أسعار بعض المشروبات في إحدى الكافيتريات، غيَّر صاحب المقهى أسعار المشروبات، فزاد سعر المشروب إلى ضعف سعره الأصلي. أوجد المصفوفة التي تمثل الأسعار الجديدة للمشروبات.

٠٢:٠٠

‏نسخة الفيديو النصية

يمثّل الجدول التالي أسعار بعض المشروبات في إحدى الكافيتريات. غيَّر صاحب المقهى أسعار المشروبات، فزاد سعر المشروب إلى ضعف سعره الأصلي. أوجد المصفوفة التي تمثّل الأسعار الجديدة للمشروبات. وعندنا المشروب عصير فراولة: حجم صغير: واحد ونصّ، حجم كبير: خمسة ونصّ. عصير برتقال: اتنين، تمنية ونصّ. عصير مانجو: تلاتة ونصّ، تسعة.

عايزين الأول البيانات الأصلية اللي موجودة عندنا نحوّلها إلى مصفوفة. في البيانات اللي عندنا، عندنا تلات صفوف، اللي هم: عصير فراولة، عصير برتقال، عصير مانجو. وعندنا عمودين، اللي هو: حجم صغير، وحجم كبير. هيبقى الصفّ الأولاني فيه واحد ونصّ، وخمسة ونصّ. والصفّ التاني فيه اتنين، وتمنية ونصّ. والصفّ التالت فيه تلاتة ونصّ، وتسعة. يبقى كده قدرنا نكتب المصفوفة بتاعتنا، اللي بتتكوّن من تلات صفوف وعمودين.

بعد كده سعر المشروب زاد إلى ضعف سعره الأصلي. معنى ضعف إنه هيتضرب في اتنين. هنضرب المصفوفة اللي عندنا في اتنين. لو عندنا مصفوفة س ص ع ل، عايزين نضربها في عدد ك، هيبقى الناتج هو المصفوفة: ك س، ك ص، ك ع، ك ل. يبقى لمَّا نضرب اتنين في المصفوفة اللي عندنا، يبقى هنضرب كل حاجة جوّه في اتنين. واحد ونصّ في اتنين. خمسة ونصّ في اتنين. اتنين في اتنين. تمنية ونصّ في اتنين. تلاتة ونصّ في اتنين. تسعة في اتنين. واحد ونصّ في اتنين بيساوي تلاتة. خمسة ونصّ في اتنين بيساوي حداشر. اتنين في اتنين بيساوي أربعة. تمنية ونصّ في اتنين بيساوي سبعتاشر. تلاتة ونصّ في اتنين بيساوي سبعة. وتسعة في اتنين بيساوي تمنتاشر.

وهتبقى هي دي المصفوفة اللي بتمثّل الأسعار الجديدة للمشروبات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.