تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فهم خصائص التطابق

سوزان فائق

الشكلان الرباعيان الآتيان متطابقان. أوجد محيط ﺃﺏﺟد.

٠١:٥٠

‏نسخة الفيديو النصية

الشكلان الرباعيان الآتيان متطابقان. أوجد محيط أ ب ﺟ د.

محيط الشكل بيبقى مجموع أطوال أضلاعه، وفي التطابق بيبقى أطوال الأضلاع المتناظرة متساوية، والزوايا المتناظرة بتبقى متطابقة. في المثال معطى إن الشكلين دول متطابقين، يبقى معنى كده إن إحنا علشان نوجد محيط الشكل، عايزين نوجد أطوال أضلاع الشكل أ ب ﺟ د. ومعطى في الشكل أ ب ﺟ د بس طول د أ، وطول أ ب. وبما أن الشكلين متطابقين، يبقى الأضلاع المتناظرة هتبقى متطابقة.

لو بصّينا عَ الشكلين وقارنّا ما بينهم، هنلاقي إن الـ د أ الصغير ده يناظر الـ و ﻫ، والـ د ﺟ هيناظر الـ و ز؛ يبقى د ﺟ هيساوي تلاتة. والـ ﺟ ب يناظر الـ ز ح؛ يعني هيساوي أربعة واتنين من عشرة. فبما أن الشكل أ ب ﺟ د بيطابق الشكل ﻫ ح ز و، إذن أطوال الأضلاع المتناظرة متساوية، وَ ب ﺟ يساوي ح ز يساوي أربعة واتنين من عشرة، وَ ﺟ د هيساوي ز و يساوي تلاتة؛ إذن محيط الشكل أ ب ﺟ د هيساوي مجموع أطوال أضلاعه: أربعة واتنين من عشرة زائد تلاتة زائد واحد وأربعة من عشرة زائد أربعة وواحد من عشرة؛ يبقى هيساوي اتناشر وسبعة من عشرة، وهي دي الإجابة المطلوبة.