فيديو: جمع الأعداد الصحيحة باستخدام خواص العمليات

أكمل: −٤٦ + (−٧ + ٤٦) = _.

٠١:٢٥

‏نسخة الفيديو النصية

أكمل: سالب ستة وأربعين، زائد، سالب سبعة زائد ستة وأربعين، يساوي نقط.

يعني عندنا المقدار ده، وعايزين نوجد قيمته. فهنلاحظ عندنا في المقدار إن فيه أعداد سالبة وأعداد موجبة. وخلّينا نفتكر من ترتيب العمليات إن أول حاجة بنعملها هي إننا بنحلّ الأقواس، فيبقى المقدار عندنا هو سالب ستة وأربعين زائد … وهنحسب ما بداخل الأقواس، فهنلاحظ إن عندنا عدد سالب وعدد موجب، فعشان نوجد مجموعهم يبقى بنوجد الفرق بين العددين، وبعد كده بنستخدم إشارة العدد الأكبر، فيبقى الفرق بين العددين ستة وأربعين وسبعة هو تسعة وتلاتين. بعد كده هنحط إشارة العدد الأكبر اللي هو ستة وأربعين واللي إشارته موجبة؛ فبالتالي هتفضل تسعة وتلاتين إشارتها موجبة، فبكده يبقى المقدار عندنا بيساوي سالب ستة وأربعين زائد تسعة وتلاتين.

فعشان نحسبها هنلاحظ إن عندنا عدد سالب اللي هو سالب ستة وأربعين، وعدد موجب اللي هو تسعة وتلاتين، وبنفس الطريقة عندنا عدد سالب وعدد موجب، يبقى هنوجد الفرق بينهم، فالفرق بين ستة وأربعين وتسعة وتلاتين هو سبعة. بعد كده هنستخدم إشارة العدد الأكبر، والعدد الأكبر هو ستة وأربعين وإشارته سالبة، فبالتالي هيبقى قيمة المقدار هو سالب سبعة، وهي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.