فيديو: فَهْم السمات غير التعريفية للأشكال

ليست جميع المثلثات كبيرة. أكمل الجملة: «ليست جميع المثلثات _» [أ] لها ٣ زوايا. [ب] لها ٣ أضلاع. [ج] زرقاء.

٠١:٥٢

‏نسخة الفيديو النصية

ليست جميع المثلثات كبيرة. أكمل الجملة: ليست جميع المثلثات … لها تلات زوايا. لها تلات أضلاع. زرقاء.

السؤال بيقول لنا إن قدامنا المثلثات دي. وبيقول لنا إن هي مش كلها كبيرة. يعني فيه منها الكبير زي ده. وفيه منها الصغير زي ده. مش كلهم نفس الحجم. بعدين ادّانا جملة وعاوزين نكمّلها: ليست جميع المثلثات إيه؟ برضو المثلثات دي مختلفة في إيه؟

أول حاجة ادّاها لنا هي لها ثلاث زوايا. طب ما هي كل المثلثات لها ثلاث زوايا. المثلث ده: زاوية، اتنين، تلاتة. والمثلث ده: زاوية، اتنين، تلاتة. والمثلث ده: زاوية، اتنين، تلاتة. يبقى كده كلهم ليهم تلات زوايا. فتبقى الإجابة دي مش صح. إحنا عاوزين حاجة هم مختلفين فيها.

طيب تاني نقطة إيه؟ لها ثلاث أضلاع. طب ما هو كل مثلث مِ المثلثات اللي قدامنا دي، برضو له تلات أضلاع. ما فيش مثلث له أربعة أو خمسة، كلهم لهم تلاتة. فده معناه إن الاختيار ده كمان مش صح.

نشوف آخر اختيار. زرقاء. هي كل المثلثات اللي عندنا دي لونها أزرق؟ لأ طبعًا. ده ده بس هو اللي لونه أزرق. لكن لا المثلث ده لونه أزرق، ولا ده لونه أزرق. يبقى معنى كده إن فعلًا جميع المثلثات مش لونها أزرق. فهي دي الإجابة اللي نختارها: ليست جميع المثلثات زرقاء. ده معناه إن كل المثلثات مش لونها أزرق، فتبقى الإجابة زرقاء.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.