نسخة الفيديو النصية
أوجد مساحة المربع.
المربع اللي عندنا، اللي معطى في الشكل ده أ ب ﺟ [أ ب ﺟ د]، طول ضلعه خمسة سنتيمتر، زي ما هو واضح على الشكل. والعلاقة اللي بنستخدمها لحساب مساحة المربع هي إن المساحة حاصل ضرب طول الضلع في طول الضلع، يعني طول الضلع في نفسه؛ عشان المربع الأربع أضلاع بتوعه متساويين.
دلوقتي معطى عندنا طول الضلع بخمسة سنتيمتر، يبقى المساحة هتبقى حاصل ضرب خمسة في خمسة؛ يعني هتساوي خمسة وعشرين.
وبما إن وحدة القياس هي السنتيمتر؛ وحدة قياس الطول، فيبقى وحدة قياس المساحة هتبقى سنتيمتر مربع؛ عشان وحدة المساحة بتبقى دايمًا وحدة مربعة.
