فيديو: كتابة الحدود التالية في متتابعة حسابية معطاة

اكتب الحدود الثلاثة التالية في المتتابعة الحسابية ١٥٫٨، ١٤٫٦، ١٣٫٤، ١٢٫٢، _.

٠١:٤٤

‏نسخة الفيديو النصية

اكتب الحدود الثلاثة التالية في المتتابعة الحسابية: خمستاشر وتمنية من عشرة، وأربعتاشر وستة من عشرة، وتلتاشر وأربعة من عشرة، واتناشر واتنين من عشرة، وهكذا.

فلمّا نيجي نشوف المتتابعة الحسابية اللي عندنا، هنلاحظ إن الأعداد اللي عندنا بتقلّ. وبما إن المتتابعة متتابعة حسابية، فمعنى كده إننا بنطرح قيمة ثابتة من الحد اللي قبله. فهنلاحظ إن أول حد في المتتابعة هو خمستاشر وتمنية من عشرة. فخمستاشر وتمنية من عشرة، علشان تبقى أربعتاشر وستة من عشرة، يبقى طرحنا من الحد الأول قيمة ثابتة، واللي هي واحد واتنين من عشرة. فلمّا نطرح واحد واتنين من عشرة من خمستاشر وتمنية من عشرة، هيبقى الناتج هو الحد التاني، اللي هو أربعتاشر وستة من عشرة.

وبعد كده بنفس الطريقة، أربعتاشر وستة من عشرة، عشان نحوّلها لتلتاشر وأربعة من عشرة، فبرضو طرحنا واحد واتنين من عشرة. وهكذا. فبالتالي يبقى القيمة الثابتة اللي بنطرحها هي واحد واتنين من عشرة. فعشان نكتب الحدود التلاتة التالية في المتتابعة، يبقى هنطرح واحد واتنين من عشرة، من الحد اللي قبله، اللي هو اتناشر واتنين من عشرة. فلمّا نحسبها هتبقى بتساوي حداشر.

بعد كده هيبقى الحد اللي بعده، بنفس الطريقة، هنطرح واحد واتنين من عشرة، من الحد اللي قبله، اللي هو حداشر. واللي هيساوي تسعة وتمنية من عشرة. بعد كده بنفس الطريقة، هنطرح واحد واتنين من عشرة من تسعة وتمنية من عشرة، فهيبقى الحد اللي بعد كده هو تمنية وستة من عشرة، وهكذا. وبالتالي هتبقى الحدود التلاتة التالية في المتتابعة الحسابية هم: حداشر، وتسعة وتمنية من عشرة، وتمنية وستة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.