فيديو: تقدير الزمن المناسب لإجراء معطى

أيٌّ مما يلي أفضل تقدير للوقت المستغرَق في صعود مجموعة من السلالم؟ [أ] ٣٠ دقيقة [ب] ٣٠ ساعة [ج] ٣٠ يوم [د] ٣٠ أسبوع [ﻫ] ٣٠ ثانية

٠١:٢٩

‏نسخة الفيديو النصية

أيٌّ مما يلي أفضل تقدير للوقت المستغرَق في صعود مجموعة من السلالم؟ تلاتين دقيقة. تلاتين ساعة. تلاتين يوم. تلاتين أسبوع. تلاتين ثانية.

عاوزين نعرف أيّ اختيار من الاختيارات اللي قدامنا دي، هي أفضل تقدير للوقت اللي الولد ده بياخده؛ علشان يطلع فيه شوية السلالم دول. فلو تخيّلنا إن الولد ده بدأ يطلع السلالم من أول هنا، لحدّ ما وصل لهنا، هياخدهم في قدّ إيه؟ تلاتين دقيقة؟ تلاتين دقيقة دي اللي هي نص ساعة. هيقعد نص ساعة يطلع الشوية دول؟ لأ طبعًا ده كتير.

طيب تلاتين ساعة؟ تلاتين ساعة ده أكتر من يوم كامل. استحالة برضو، ده هيطلعهم بسرعة. فبرضو تلاتين ساعة مش صح. طيب تلاتين يوم؟ يعني هيطلع شهر كامل، هيقعد شهر كامل يطلع الكام سلمة دي؟ برضو غلط. طيب تلاتين أسبوع؟ تلاتين أسبوع ده كتير جدًّا، شهور كتير. هل هو هيقعد شهور كثير يطلع السلالم دي؟ لأ برضو ده هيطلعها بسرعة.

طب آخر اختيار، تلاتين ثانية؟ هو ده المنطقي. ممكن ياخد منه تلاتين ثانية. أصل هم مجموعة سلالم صغيرة، فالولد مش هياخد وقت كبير عشان يطلعهم. فبالتالي الإجابة الصح هي: تلاتين ثانية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.