تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول ذراع عزم ازدواج يكافئ نظامًا مُكوَّنًا من قوتين

أحمد لطفي

ﺃﺏﺟﺩ مربع طول ضلعه ٨ سم؛ حيث تؤثّر قوتان مقدار كلٍّ منهما ٢١ نيوتن عند ب، د على الترتيب، وخطّا عمليهما في اتجاه الشعاع ﺃﺟ، الشعاع ﺟﺃ على الترتيب. أوجد مقدار عزم ازدواج المحصلة.

٠٢:٢٢

‏نسخة الفيديو النصية

أ ب ﺟ د مربع طول ضلعه تمنية سنتيمتر. حيث تؤثّر قوتان، مقدار كلٍّ منهما واحد وعشرين نيوتن عند ب وَ د على الترتيب. وخطّا عمليهما في اتجاه الشعاع أ ﺟ، والشعاع ﺟ أ، على الترتيب. أوجد مقدار عزم ازدواج المحصلة.

في البداية هنرسم المربع أ ب ﺟ د بالشكل ده. معطى إن طول ضلع المربع تمنية سنتيمتر. وعندنا قوة مقدارها واحد وعشرين نيوتن عند ب، وخط عملها في اتجاه الشعاع أ ﺟ. يعني هتكون بالشكل ده. وعندنا قوة أخرى مقدارها واحد وعشرين نيوتن عند د، وخط عملها الشعاع ﺟ أ. يعني هتكون بالشكل ده.

وبالتالي لو عايزين نوجد مقدار عزم ازدواج المحصلة، فهنقول إن مقدار عزم ازدواج المحصلة هيساوي حاصل ضرب معيار إحدى القوتين في البُعد بينهما. يبقى أول خطوة محتاجين نوجد البُعد بين القوتين. يعني محتاجين نوجد الطول ب د.

مثلًا في المثلث أ ب د، عندنا أ ب بتمنية سنتيمتر، وَ أ د بتمنية سنتيمتر. لو عايزين نوجد ب د، فـ ب د يعتبر وتر للمثلث، فهيساوي الجذر التربيعي لتمنية تربيع زائد تمنية تربيع. يعني ب د هيساوي تمنية في الجذر التربيعي لاتنين سنتيمتر. يبقى كده قدرنا نوجد البُعد بين القوتين. وبالتالي مقدار عزم ازدواج المحصلة هيساوي حاصل ضرب معيار إحدى القوتين في البُعد بينهم.

معيار إحدى القوتين اللي هو واحد وعشرين نيوتن. يعني هيكون عندنا واحد وعشرين، مضروبة في البُعد بينهم اللي هو بيساوي تمنية في الجذر التربيعي لاتنين سنتيمتر. يعني مقدار عزم ازدواج المحصلة هيساوي واحد وعشرين في تمنية في الجذر التربيعي لاتنين. يعني يساوي مية تمنية وستين في الجذر التربيعي لاتنين نيوتن سنتيمتر.

يبقى كده قدرنا نوجد مقدار عزم ازدواح المحصلة. وكان بيساوي مية تمنية وستين في الجذر التربيعي لاتنين نيوتن سنتيمتر.