فيديو: إيجاد خارج القسمة لتعبير قسمة

أوجد خارج قسمة ٩٤٦ ÷ ٤٣.

٠٢:٠٩

‏نسخة الفيديو النصية

أوجد خارج قسمة تسعمية وستة وأربعين على تلاتة وأربعين.

عشان نوجد حل المسألة، هنحلها باستخدام القسمة المطوّلة، وبما إن المقسوم عليه بيتكوّن من رقمين، فهنقسم أول رقمين من المقسوم من اليسار على المقسوم عليه؛ يعني أربعة وتسعين على تلاتة وأربعين.

وبما إن أربعة وتسعين مش من مضاعفات التلاتة وأربعين، يعني ما بتقبلش القسمة عليها، فهنشوف أقرب مضاعف من مضاعفات التلاتة وأربعين أصغر من أربعة وتسعين. فنوجد في الهامش مضاعفات تلاتة وأربعين، فهنلاقي إن أربعة وتسعين واقعة ما بين ستة وتمانين ومية تسعة وعشرين؛ فده معناه إن أقرب مضاعف ليها أصغر منها هو ستة وتمانين. وستة وتمانين على تلاتة وأربعين بيساوي اتنين. فنكتب اتنين في الناتج، بعدين نضربها في تلاتة وأربعين، اتنين في تلاتة وأربعين هيساوي ستة وتمانين. بعدين نطرح بشكل رأسي أربعة ناقص ستة. وبما إن أربعة أصغر من ستة، فهنعيد تجميع عشرة من التسعين إلى عشر آحاد، بعدين نطرح أربعتاشر ناقص ستة هيساوي تمنية، وتمنية ناقص تمنية هيساوي صفر.

وبما إن تمنية أصغر من تلاتة وأربعين، يبقى هننزل الستة، يعني ستة وتمانين على تلاتة وأربعين، وستة وتمانين على تلاتة وأربعين بتساوي اتنين، فهنكتب اتنين في الناتج على يمين الاتنين الأولى.

بعدين نضرب اتنين في تلاتة وأربعين، واتنين في تلاتة وأربعين بيساوي ستة وتمانين. بعدين نطرح بشكل رأسي. وبما إن العددين متساويين، يبقى ستة وتمانين ناقص ستة وتمانين بيساوي صفر؛ يبقى تسعمية وستة وأربعين على تلاتة وأربعين هيساوي اتنين وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.