تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حَلُّ متباينات خطية من خطوتين

سوزان فائق

أوجد مجموعة حلّ المتباينة ٤س + ٤ ⩾ −٢ في ح.

٠٢:٠٨

‏نسخة الفيديو النصية

أوجد مجموعة حلّ المتباينة: أربعة س زائد أربعة أكبر من أو يساوي سالب اتنين في ح.

مجموعة حلّ المتباينة مقصود بيها قيم س تبقى كام علشان نحقّق المتباينة اللي قدامنا دي. فعندنا هنا المتباينة أربعة س زائد أربعة أكبر من أو يساوي سالب اتنين. محتاجين نخلّي الـ س لوحدها في طرف وباقي الأعداد كلها في الطرف التاني مِ المتباينة. فعلشان نعمل الكلام ده أول خطوة عندنا إن إحنا هنطرح أربعة من طرفَي المتباينة.

يعني أربعة س زائد أربعة ناقص الأربعة أكبر من أو يساوي سالب اتنين ناقص الأربعة. وبالتالي الأربعة ناقص الأربعة هتبقى بصفر. وبيتبقَّى لنا أربعة س أكبر من أو يساوي سالب ستة. بقسمة طرفَي المعادلة على الأربعة؛ علشان نخلّي الـ س معاملها يبقى واحد. فهتبقى أربعة س على الأربعة، والطرف التاني مِ المتباينة هيبقى عَ الأربعة. يبقى الأربعة مع الأربعة هتبقى واحد. يبقى اتبقَّى لنا س أكبر من أو يساوي سالب تلاتة على اتنين بعد التبسيط. يبقى قيم س اللي هتحقَّق المتباينة كل قيم س اللي أكبر من أو يساوي سالب تلاتة على اتنين.

وبما إن الحلّ في مجموعة الأعداد الحقيقية، يبقى مجموعة الحلّ هتبقى ابتداءً من سالب تلاتة على اتنين إلى موجب اللانهاية. السالب تلاتة عَ الاتنين يساوي … يعني الـ س ممكن تساويها. يبقى معنى كده إن الفترة مغلقة من ناحيتها، واللا نهاية بتبقى لا نهاية مش عارفين نهايتها شكلها إيه. فتبقى بالتالي فترة من عندها مفتوحة.

يبقى الفترة نصّ مغلقة سالب تلاتة على اتنين إلى لا نهاية هي مجموعة حلّ المتباينة المطلوبة. وهي دي قيم س اللي بتحقَّق المتباينة.