فيديو: تكامل الدالة بالتعويض

باستخدام التعويض المناسب، أوجد ∫(٩س + ٧)ﻫ^(٩س^٢ + ١٤س) دس.

٠٢:٠٩

‏نسخة الفيديو النصية

باستخدام التعويض المناسب، أوجد تكامل تسعة س زائد سبعة، في ﻫ أُس تسعة س تربيع زائد أربعتاشر س، بالنسبة للـ د س.

بالتعويض بـ ع تساوي تسعة س تربيع زائد أربعتاشر س. يبقى د ع اللي هو تفاضل تسعة س تربيع، زائد أربعتاشر س بالنسبة للـ س. تسعة س تربيع هيبقى تفاضلها تسعة، في الأُس، في س أُس الأُس ناقص واحد؛ زائد … أربعتاشر س هتبقى تفاضلها أربعتاشر؛ مضروب في تفاضل د س.

يبقى د ع هتساوي … تسعة في اتنين تمنتاشر س، زائد أربعتاشر، د س.

هناخد مشترك ما بين التمنتاشر والأربعتاشر، اتنين؛ يبقى تسعة س زائد سبعة د س. بقسمة طرفَي المعادلة على اتنين، يبقى د ع على اتنين هتساوي … هنختصر الاتنين مع الاتنين، هتساوي تسعة س زائد سبعة د س.

هنعوّض في التكامل المعطى. التسعة س زائد سبعة د س، هنعوّض مكانها بـ د ع على اتنين. والـ ﻫ هتبقى أُس … تسعة س تربيع زائد أربعتاشر س، هتبقى ﻫ أُس ع، وهنكامل ده بالنسبة للـ ع.

تكامل الـ ﻫ أُس ع، هيبقى ﻫ أُس ع. يبقى التكامل هيساوي نص في ﻫ أُس ع، زائد عدد ثابت. هنعوّض عن الـ ع بالقيمة اللي إحنا كنا اخترناها. يبقى التكامل هيساوي نص في ﻫ أُس تسعة س تربيع، زائد أربعتاشر س، زائد الثابت. ويبقى هي دي قيمة التكامل المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.