فيديو: مقارنة كسرين لهما مقامات مختلفة

أكمل باستخدام< أو = أو >: ١٣/١١ _ ١٨/١٣.

٠٤:٠٥

‏نسخة الفيديو النصية

أكمل باستخدام أصغر من أو يساوي أو أكبر من: أحد عشر على ثلاثة عشر _ ثلاثة عشر على ثمانية عشر.

عشان نقدر نقارن بين كسرين، محتاجين أول حاجة نوحّد المقامات؛ فبالنسبة للكسر الأول هنضرب البسط والمقام في تمنتاشر، فده هيساوي حداشر في تمنتاشر، على تلتاشر في تمنتاشر. فنوجد قيمة البسط، فنضرب تمنتاشر في حداشر؛ أول حاجة نضرب واحد في تمنية هيساوي تمنية، بعد كده نضرب الواحد في الواحد هيساووا واحد، وبما إننا هنضرب الواحد اللي في العشرات يبقى هنضيف صفر في الأول، بعد كده نضرب بشكل طبيعي، نضرب واحد في تمنية هيساوي تمنية، بعدين نضرب واحد في واحد هيساوي واحد، بعد كده نجمع تمنية زائد صفر هيساوي تمنية، واحد زائد تمنية هيساوي تسعة. بعدين ننزل الواحد؛ يبقى ده هيساوي … البسط هيبقى مية تمنية وتسعين، على … نوجد قيمة المقام، فهنضرب تمنتاشر في تلتاشر، أول حاجة نضرب تلاتة في تمنية هيساووا أربعة وعشرين، فنكتب أربعة في الناتج، ونضيف اتنين للقيمة المكانية اللي بعديها، بعدين نضرب تلاتة في واحد هيساوي تلاتة، ونضيف ليها الاتنين هيساوي خمسة، بعد كده نضرب الواحد اللي في العشرات فهنضيف صفر في الأول، بعد كده نكمل ضرب بشكل طبيعي، فنضرب واحد في تمنية هيساوي تمنية، بعد كده نضرب الواحد في الواحد هيساوي واحد، بعد كده نجمع أربعة زائد صفر هيساوي أربعة، خمسة زائد تمنية هيساوي تلتاشر، فهنكتب تلاتة في الناتج، ونضيف واحد للقيمة المكانية اللي بعد كده، بعدين نجمع واحد زائد واحد هيساوي اتنين؛ يبقى الكسر الأول هيبقى مية وتمنية وتسعين على ميتين وأربعة وتلاتين.

بالنسبة للكسر التاني؛ تلتاشر على تمنتاشر … هنضرب البسط والمقام في تلتاشر، فده هيساوي تلتاشر في تلتاشر، على تمنتاشر في تلتاشر، اللي هيساوي … نوجد قيمة البسط، فهنضرب تلتاشر في تلتاشر، فأول حاجة نضرب تلاتة في تلاتة هيساوي تسعة، بعدين نضرب تلاتة في واحد هيساوي تلاتة، بعدين بما إننا هنضرب الواحد اللي في العشرات يبقى هنضيف صفر في الأول، وبعد كده نكمل بشكل طبيعي، نضرب الواحد في التلاتة هيساوي تلاتة، بعدين نضرب الواحد في الواحد هيساوي واحد، بعد كده نجمع تسعة زائد صفر هيساوي تسعة، تلاتة زائد تلاتة هيساوي ستة، وبعدين ننزّل الواحد، يبقى قيمة البسط هتبقى مية وتسعة وستين، على … المقام بيساوي تمنتاشر في تلتاشر، ومن الكسر الأول حاصل ضرب تلتاشر في تمنتاشر بيساوي ميتين وأربعة وتلاتين، يبقى الكسر التاني هيبقى مية وتسعة وستين على ميتين وأربعة وتلاتين.

بعدين نقارن الكسرين؛ مية وتمنية وتسعين على ميتين وأربعة وتلاتين اللي هو الكسر الأول، ومية وتسعة وستين على ميتين وأربعة وتلاتين اللي هو الكسر التاني، فبما إن المقامين متساويين فهنقارن البسطين، فهنلاقي إن مية وتمنية وتسعين أكبر من مية وتسعة وستين؛ وده معناه إن حداشر على تلاتة أكبر من تلتاشر على تمنتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.