فيديو: حساب الفَرْق بين زمنين

إذا بدأ مُحسن المذاكرة في الساعة ٣:٥٩ م وانتهى منها في الساعة ٩:٤٠ م، فما المدة الزمنية التي قضاها في المذاكرة؟

٠٢:٢٢

‏نسخة الفيديو النصية

إذا بدأ محسن المذاكرة في الساعة تلاتة وتسعة وخمسين دقيقة مساءً، وانتهى منها في الساعة تسعة وأربعين دقيقة مساءً، فما المدة الزمنية التي قضاها في المذاكرة؟

عشان نعرف المدة الزمنية اللي قضاها في المذاكرة، هنطرح التوقيتين من بعض؛ التوقيت اللي انتهى منه في المذاكرة اللي هو تسعة وأربعين دقيقة، نطرح منه توقيت بداية المذاكرة اللي هو تلاتة وتسعة وخمسين دقيقة.

لو جينا نطرح التسعة وخمسين دي من الأربعين مش هنقدر؛ لأن عدد الدقايق اللي تحت أكبر من عدد الدقايق اللي فوق. طب نعمل إيه؟ إحنا عارفين إن الساعة فيها ستين دقيقة، فنقدر ناخذ ساعة من التسع ساعات اللي عندنا دول، هنخليهم تمنية، ونضيف عدد الدقايق اللي هو ستين دقيقة على الأربعين دقيقة دول؛ فكأن التوقيت ده هيبقى تمن ساعات ومية دقيقة، كده نقدر نجري عملية الطرح.

فنبتدي دلوقتي نعمل عملية طرح، وعايزين نطرح التسعة وخمسين دقيقة من المية اللي فوق. دلوقتي لو جينا نطرح تسعة من الصفر مش هنقدر، خلينا نعمل إعادة تسمية؛ الواحد اللي في المئات ده، الواحد اللي في المئات ده هنخليه صفر، والصفر اللي جنبه ده هنخليه عشرة؛ لأن واحد في المئات هي عشرة في العشرات. دلوقتي لو عايز أطرح تسعة من صفر، برضو مش هينفع، فهنستلف واحد من العشرة اللي جنبها، فهتبقى تسعة، والصفر دي هتبقى عشرة، دلوقتي أقدر أطرح تسعة من العشرة، هيبقى ناتج الطرح واحد.

وبعدين نطرح الخمسة من التسعة اللي باقية هنا في خانة العشرات، هيبقى الناتج أربعة، كده دي فرق الدقايق بين التوقيتين. دلوقتي بقى نطرح الساعات من بعض، عايزين نطرح تلاتة من تمنية، الفرق بينهم هيبقى خمسة؛ يبقى كده قدرنا نعرف المدة الزمنية اللي قضّاها محسن في المذاكرة بإنها هتبقى خمس ساعات وواحد وأربعين دقيقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.