فيديو: إيجاد قِيَم الكسور الجبرية

أوجد قيمة ٧ﻙ/(ﻙ + ٢(ﻝ + ٥)) لكلِّ ﻝ = ٣، ﻙ = ١٢.

٠١:٥٧

‏نسخة الفيديو النصية

أوجد قيمة: سبعة ك على؛ ك زائد اتنين في، ل زائد خمسة؛ لكل ل تساوي ثلاثة، وَ ك تساوي اثني عشر.

عشان نوجد قيمة المقدار هنعوّض فيه عن كل ل بإنها بتساوي تلاتة، وعن كل ك بإنها بتساوي اتناشر. يبقى سبعة ك على؛ ك زائد اتنين في، ل زائد خمسة هتساوي سبعة في اتناشر؛ على اتناشر زائد اتنين في، تلاتة زائد خمسة.

وحسب ترتيب إجراء العمليات أول حاجة هنُجري العمليات اللي داخل الأقواس. يبقى المقدار هيساوي سبعة في اتناشر، على اتناشر زائد اتنين في … تلاتة زائد خمسة بيساوي تمنية.

بعد كده حسب ترتيب العمليات بنُجري عمليات الضرب والقسمة من اليمين إلى اليسار. فهنُجري عملية الضرب في البسط، وعملية الضرب في المقام؛ ده هيساوي … سبعة في اتناشر نوجدها بإننا نضرب بشكل رأسي.

أول حاجة نضرب سبعة في اتنين، فده هيساوي أربعتاشر، فنكتب أربعة في الناتج، ونضيف واحد فوق القيمة المكانية اللي بعد كده. بعدين نضرب سبعة في واحد هيساوي سبعة، ونضيف واحد هيساوي تمنية. يبقى سبعة في اتناشر بيساوي أربعة وتمانين، على اتناشر زائد … اتنين في تمنية بيساوي ستاشر.

بعد كده نُجري عملية الجمع اللي في المقام، يبقى المقدار هيساوي أربعة وتمانين على … اتناشر زائد ستاشر بيساوي تمنية وعشرين. وأربعة وتمانين على تمنية وعشرين بيساوي تلاتة. يبقى قيمة المقدار لمّا ل بتساوي تلاتة، وَ ك بتساوي اتناشر؛ هي: تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.