فيديو: ترتيب البيانات في القطاعات الدائرية ويتضمن نِسَبًا مئوية

باستخدام الشكل الآتي الذي يوضح النسبة المئوية لمبيعات أنواع مختلفة من الكتب، رتِّب الكتب ترتيبًا تصاعديًّا طبقًا لنسبتها المئوية.

٠٢:٣٠

‏نسخة الفيديو النصية

باستخدام الشكل الآتي الذي يوضح النسبة المئوية لمبيعات أنواع مختلفة من الكتب، رتب الكتب ترتيبًا تصاعديًّا طبقًا لنسبتها المئوية.

ومعطى عندنا الشكل ده، وبيوضح الشكل النسبة المئوية لمبيعات أنواع مختلفة من الكتب، لكن هنلاحظ إن النسبة المئوية لمبيعات كتب اللغة الإنجليزية مش معطاة. وعشان نرتب الكتب طبقًا لنسبتها المئوية، فمحتاجين الأول إننا نوجد النسبة المئوية لمبيعات كتب اللغة الإنجليزية. وعشان نوجدها يبقى هنطرح النسب المعطاة عندنا، اللي هي نسب مبيعات كتب العلوم واللغة الفرنسية والدراسات الاجتماعية والرياضيات، هنطرحهم من مية في المية؛ فبالتالي هتبقى النسبة المئوية لمبيعات كتب اللغة الإنجليزية بتساوي مية في المية ناقص كل النسب المعطاة عندنا، فهتبقى مية في المية ناقص، تسعتاشر في المية زائد تمنتاشر في المية زائد خمستاشر في المية زائد خمسة وتلاتين في المية. فلما نجمع ما بداخل القوسين، فهيبقى بيساوي سبعة وتمانين في المية، بعد كده هنطرح مية في المية ناقص سبعة وتمانين في المية، فلما نحسبها هتبقى بتساوي تلتاشر في المية؛ وبالتالي هتبقى دي النسبة المئوية لمبيعات كتب اللغة الإنجليزية. يعني هنيجي هنا على الشكل، وهنيجي عند اللغة الإنجليزية، ونكتب تلتاشر في المية.

بعد كده المطلوب في السؤال إننا نرتب الكتب ترتيبًا تصاعديًّا طبقًا لنسبتها المئوية، فمعنى كده إننا هنرتب الكتب من الأقل للأكبر طبقًا لنسبتها المئوية. فهنلاحظ إن نسبة مبيعات اللغة الإنجليزية هي أقل نسبة مئوية عندنا، فهتبقى دي أول واحدة، واللي بعدها هيبقى عندنا نسبة مبيعات الدراسات الاجتماعية، بعد كده هيبقى عندنا نسبة مبيعات اللغة الفرنسية، بعد كده العلوم تسعتاشر في المية، بعد كده الرياضيات خمسة وتلاتين في المية.

وبالتالي هيبقى الترتيب هو: اللغة الإنجليزية، الدراسات الاجتماعية، اللغة الفرنسية، العلوم، الرياضيات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.